Rusgenot bied ‘n kliniek op die perseel aan en die suster is Dinsdae en Donderdae vanaf 09:30 tot 11:30 beskikbaar vir afsprake. Die diens word deur MedCrowd verskaf en alle afsprake is gratis asook basiese dienste soos bv. die neem van bloeddruk.

Die suster sal ook besoeke maak aan die inwoners om sodoende hul welstand en basiese gesondheid te bepaal.

Versorging is ongelukkig ‘n realiteit wat vir die toekoms in ag geneem moet word.  Indien u woonagtig is in een van ons selfsorgeenhede, is daar 2 opsies wat oorweeg kan word indien u versorging benodig:

• U kan van privaatversorging in u eenheid gebruik maak. U kan by die kantoor navraag doen indien u meer inligting hieroor versoek.

• Indien u die gebruik van ‘n siekeboeg benodig, kan MedCrowd u verwys na ‘n aftreeoord in Durbanville. ‘n Kamer is egter onderhewig aan beskikbaarheid. U kan by Rusgenot se kantoor navraag doen op (021) 970-1100 of rusgenot-1@mweb.co.za.